Ilinniakkat meeqqat atuarfiannit qaffasinnerusut

Innuttaasut ilinniagaqarsimanerisa qaffasissusaani ineriartorneq suli pitsaasumik ingerlavoq. 2017-imi innuttaasut 16-74-inik ukiullit akornanni 39,5 procentii meeqqat atuarfianniit qaffasinnerusumik ilinniagaqarsimapput, tamanna ukiut qulit ingerlanerini 8,9 procentpointinik qaffariarneruvoq.

 

Taakkunannga 12 procentii ingerlariaqqiffiusumik ilinniagaqarsimapput, 27,6 procentiilu ilinniarnertuunngorniarnermik, inuussutissarsiornermik ilinniarnermik imaluunniit angusanik qaffassaanermik naammassinnissimapput. Ukiut qulit ingerlanerni qaffariaataat 2,9 aamma 6,1 procentpointiullutik.

 

Titartagaq 1. 2007-imiit 2017-imut innuttaasut qaffasinnerpaamik ilinniakkat naammassisimasaat

Nalunaarut: Ilinniarnertuunngorniarnernut angusanik qaffassaanerit ilanngunneqarput.

Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDDISCPROD).